Google ADS

Fitër Bajrami: Dalin më herët pagat për shërbyesit e administratës publike

15:53 | 23 Qershor 2017
Arbresh.info

Ministri në detyre i Financave, Avdullah Hoti ka bërë të ditur se MF ka bërë ekzekutimin e pagave të qershorit sot për shkak të festës së Fitër Bajramit.

“Ministria e Financave njofton të gjithë qytetarët e Republikës së Kosovës, respektivisht të gjithë shërbyesit e administratës publike dhe ata që marrin pagë nga Buxheti i Republikës së Kosovës, se Ministria e Financave ka bërë sot ekzekutimin e pagave për muajin qershor .

Për shkak të festës së Fitër Bajramit, dhe duke u nisur nga gjendja e mirë në bilancin bankar të Qeverisë, ekzekutimi i pagave është bërë disa ditë më herët nga ekzekutimi i rregullt.

Me këtë rast, Ministri i Financave Avdullah Hoti të gjithë besimtarëve mysliman të Republikës së Kosovës u uron festën e Fitër Bajramit, duke ju dëshiruar më shumë paqe, harmoni, solidaritet dhe mbarësi në familjet e tyre”, ka shkruar Hoti në Facebook./Arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm